“АСАКАБАНК” АЖНИНГ “ASAKABANK” МОБИЛ ИЛОВАСИ ОРҚАЛИ ЖИСМОНИЙ ШАХСЛАРГА МАСОФАВИЙ БАНК ХИЗМАТЛАРИНИ КЎРСАТИШ ТЎҒРИСИДАГИ ОММАВИЙ ОФЕРТА.

     Ушбу оферта Ўзбекистон Республикаси Фуқаролик кодексининг 358, 367 ва 370-моддалари, “Тўловлар ва тўлов тизимлари тўғрисида”ги қонуни, “Рақамли молиявий хизматлар истеъмолчиларининг ҳуқуқ ва манфаатларини ҳимоя қилиш стандартлари” ва бошқа қонунчилик ҳужжатларига мувофиқ “Асакабанк” АЖ нинг Ўзбекистон Республикаси тижорат банкларида чиқарилган Банк пластик карталарига эга бўлган жисмоний шахслари (Мижоз)га расмий таклифи (оммавий офертаси) бўлиб ҳисобланади.

     “Асакабанк” акциядорлик жамияти (кейинчалик матн бўйича – Банк)нинг мазкур Оммавий офертаси Мижозлар томонидан “Asakabank” дастурий комплексидан фойдаланган ҳолда масофавий банк хизматларини кўрсатиш бўйича Шартнома (кейинчалик матн бўйича – Шартнома) шартларини ўз ичига олади. Ушбу офертада баён қилинган ҳаракатларни (рўйхатга олиш, кириш ва бошқалар) амалга ошириш, Мижоз томонидан мазкур офертада белгиланган тартиб ва миқдорда Шартнома тузишга розилигини, офертанинг  барча шартларини Банк Тарифларига асосан тўловларни тўлашни истисно қилмасдан ҳар қандай чекловларсиз ва чиқариб ташлашларсиз писандсиз сўзсиз қабул қилганлиги (акцептлаганлиги)ни билдиради.

    Мижоз ушбу Оммавий офертада назарда тутилган ҳаракатларни амалга оширган пайтдан бошлаб Шартнома имзоланган ва кучга кирган ҳисобланади.

1. АСОСИЙ ТЕРМИН ВА ТУШУНЧАЛАР

Мазкур оммавий оферта мақсадлари учун қуйидаги термин ва тушунчалардан фойдаланилади:

Банк - «Асакабанк» АЖ Бош офиси ва унинг филиаллари;

Мижоз - Тизимларга уланган, Оммавий оферта шартларига қўшилган ва Банк картаси/ҳисобварағи эгаси бўлган шахс;

Ҳисобварақ - Мижознинг Банкда миллий ва хорижий валютада очилган, унинг топшириғи билан, шунингдек Тизимдан фойдаланган ҳолда Мижоз томонидан амалга оширилган операциялар акс эттириладиган банк ҳисобварағи (талаб қилиб олингунча депозит ҳисоб, махсус карта ҳисобварағи, муддатли депозит/омонат ҳисобварағи, ссуда ҳисобварағи);

Банк картаси – “Uzcard”, “Humo” миллий тўлов тизимлари ва “Мастеркард” халқаро тўлов тизимининг Банк томонидан, шунингдек, Ўзбекистон Республикасининг бошқа тижорат банклари томонидан чиқарилган банк пластик карточкалари;

Карта ҳисобварағи - банк картаси орқали пул маблағларининг тасарруф этилиши амалга ошириладиган ва Мижоз томонидан унинг топшириғига мувофиқ масофавий банк хизмати орқали амалга оширилган операциялар акс эттириладиган банк ҳисобварағи;

Тизимлар - мижозларга масофавий банк хизматларини кўрсатувчи Банкнинг дастурий мажмуалари;

Масофавий банк хизмати (МБХ) – телекоммуникация тизимларидан фойдаланган ҳолда масофадан туриб Мижоз томонидан узатиладиган электрон топшириқлар асосида кўрсатиладиган банк хизматлари мажмуаси;

“Asakabank” дастурий комплекси - мобил ва веб-технологиялар асосида яратилган, онлайн тарзда банк операцияларини амалга ошириш, ҳисоб - китоблар ҳолати ва бошқа маълумотларни онлайн режимда олиш учун мўлжалланган ихтисослаштирилган дастурий таъминот. Фойдаланувчи дастурий комплексдан мобил қурилмага мос келувчи мобил иловани расмий манбадан юклаб олиш орқали ва/ёки https://my.asakabank.uz манзили орқали фойдаланиши мумкин. “Asakabank” дастурий комплексининг ҳуқуқий эгаси “Асакабанк” АЖ ҳисобланади.(Кейинги ўринларда ““Asakabank” мобил иловаси” деб юритилади) ;

Рўйхатдан ўтиш - Мижознинг Тизимларга уланиш ва Мижоз томонидан Оммавий офертани қабул қилганлигини аниқлаш/тасдиқлаш имконини берувчи идентификация маълумотларини тақдим этиш бўйича ҳаракатлари. Рўйхатга олиш тартиби Банк томонидан белгиланади;

Рақамли идентификация – ахборот тизимларидан фойдаланган ҳолда мазкур Шартномада белгиланган талаблар асосида мижознинг шахсини текшириш ва тасдиқлаш жараёни;

Идентификация параметрлари - Мижозни Тизимда ишлаши учун аутентификация қилиш мақсадида фойдаланиши учун ишлатиладиган Тизимларда рўйхатдан ўтган Логин ва Пароли;

Логин - Мижознинг тизимга кириши учун идентификатор сифатида фойдаланиладиган Мижознинг мобил телефон рақами;

Пароль - Мижознинг Тизимга кириши учун идентификатор сифатида фойдаланиладиган,     Мижоз томонидан ўрнатиладиган махфий белгилар кетма-кетлиги;

SМS-Код/OTP(One Time password) - мижозни Тизимларда рўйхатдан ўтказиш, Банк картасини қўшиш ва бошқа хизматлар учун мижознинг розилигини ифодалаш учун бир марталик код. SМS-код SМS-хабар сифатида тақдим этилади ва операциянинг турига қараб Мижознинг банк картаси бириктирилган мобил телефон рақамига ёки Тизимда рўйхатдан ўтган Мижознинг мобил телефон рақамига юборилади;

Аутентификация - мижоз тақдим этган идентификация параметрларига тегишлилигини аниқлаш мақсадида мижозни тизимлар бўйича текшириш тартиби;

Авторизация - муайян шахсга муайян ҳаракатларни амалга ошириш ҳуқуқини бериш, шунингдек, ушбу ҳаракатларни амалга оширишга уринишда ушбу ҳуқуқларни текшириш (тасдиқлаш) жараёни;

Тўловлар тарихи - Мижознинг пластик картаси ёки ҳисобварағи ёрдамида тизимларда амалга оширган барча ҳаракатларини электрон тарзда акс эттириш. Тўлов тарихидан кўчирма етарли далил бўлиб, Банк ва Мижоз томонидан Мижознинг Тизимлардаги ҳаракатлари ҳақида маълумот сифатида ишлатилиши мумкин;

Банк тарифлари - Банк томонидан тасдиқланган ва тегишли операцияни амалга ошириш (Хизмат кўрсатиш) вақтида амалда бўлган кўрсатилган Хизматлар учун Банкнинг комиссион тўлови миқдори;

Топшириқ - Тизимларда мавжуд хизматлардан фойдаланиш учун Мижоз томонидан юборилган электрон ҳужжат шаклида қайд этилган ҳаракат;

Электрон ҳужжат - электрон шаклда тақдим этилган ва электрон тўловни амалга ошириш учун зарур маълумотларга эга бўлган ахборот;

Электрон тўлов - Мижознинг топшириғи билан Тизимда нақд пулсиз ҳисоб- китобларни амалга ошириши ёки банк хизматларидан фойдаланишни ифодаловчи топшириғи;

Шахсий маълумотлар - мижозга алоқадор ёки уни идентификациялаш имконини берувчи электрон, қоғоз ва (ёки) бошқа моддий ахборот воситаларида қайд этилган маълумотлар;

Шахсий маълумотларга ишлов бериш – шахсий маълумотларни йиғиш, тизимлаштириш, сақлаш, ўзгартириш, тўлдириш, фойдаланиш, тақдим этиш, тарқатиш, узатиш, эгасизлантириш ва йўқ қилиш бўйича бир ҳаракатни ёки ҳаракатлар мажмуини амалга ошириш;

Амалиёт куни — бу мижозларнинг маблағларини кирим қилиш, чиқим қилиш, ўтказиш ва бошқа операция ва битимларни амалга ошириш учун қабул қилиш ва ўтказиш вақти;

Назорат коди/Фаоллаштириш коди - Банк томонидан генерация қилинган (ишлаб чиқарилган) ва Мижознинг мобил телефон рақами ва/ёки электрон почта манзилига SМS -хабар   сифатида Мижозга юбориладиган махсус бир марталик код. Назорат коди ёрдамида Мижознинг амалга оширган барча ҳаракатларини рад этиш (низолашиш)га йўл қўйилмайди ва Мижоз томонидан шахсан содир этилган деб тан олинади ҳамда Мижоз учун қонунчилик ҳужжатлари талабларига мувофиқ ўз қўли билан қўйилган имзодан фойдаланилгани каби ҳуқуқий оқибатларга олиб келади;

• Учинчи шахслар – бу томонлар ва уларнинг ходимлари ва ушбу “Asakabank” дастурий комплексига боғлиқ бўлган субпудратчилар ҳамда Ўзбекистон Республикасининг тегишли ваколатга эга Давлат ташкилотларидан  ташқари барча юридик ёки жисмоний шахслар;

Конфиденциал маълумотлар – бу ҳақиқий ёки потенциал қийматга эга ҳамда учинчи шахсларга номаълум бўлган ҳолда тегишли қонун талаби билан эркин тарқалишдан ва фойдаланишдан ҳимояланган шу билан бирга ушбу шартномани бажариш билан боғлиқ маълумотларни ва ҳар бир томоннинг молиявий хўжалик фолиятига бевосита ёки билвосита таъсир кўрсатадиган муҳим воқеа ва ҳаракатлар, шунингдек ушбу шартнома тўғрисидаги маълумотларни ўз ичига олган ва томонлар ўз махфийлигини ҳимоя қилиш чораларини кўрадиган маълумотларни (Тижорат сири, Банк сири, Шахсга доир ва тегишли бошқа маълумотлар) ифодалайди.

Тижорат сири тушунчаси Ўзбекистон Республикасининг 2014 йил 11 сентябрдаги ЎРҚ-374-сон билан тасдиқланган “Тижорат сири тўғрисида”ги, Банк сири тушунчаси Ўзбекистон Республикасининг 2003 йил 30 августдаги 530-II-сон билан тасдиқланган “Банк сири тўғрисида”ги, Шахсга доир маълумот тушунчаси Ўзбекистон Республикасининг 2019 йил 2 июлдаги ЎРҚ-547-сон билан тасдиқланган "Шахсга доир маълумот тўғрисида”ги қонунлари асосида аниқланади.

Хизматлар - Мижоз томонидан Тизимларда ўтказиши мумкин бўлган банк операцияларини амалга ошириш имконини берувчи Масофавий банк тизимларидан фойдаланган ҳолда кўрсатиладиган хизматлар;

Томонлар – Банк ва Мижознинг биргаликдаги номи.

2. ШАРТНОМА ПРЕДМЕТИ

Мижозга Масофавий банк хизмати кўрсатиш Ўзбекистон Республикасининг амалдаги қонунчилиги, Марказий банкнинг меъёрий-ҳуқуқий ҳужжатлари, Банкнинг ички меъёрий ҳужжатларига, ушбу шартномага мувофиқ амалга оширилади.

“Asakabank” мобил иловасида таклиф этиладиган электрон тўловни амалга ошириш, балансни текшириш, тўловлар тарихи, валюта курслари, сўмдаги ва валютадаги карта ҳисобварақлари бўйича хизматлардан фойдаланиш учун уланиш, шунингдек, онлайн режимда картадан картага пул ўтказиш (P2P ўтказмалари), омонатларни очиш, кредитларни сўндириш, хорижий валюта сотиб олиш ҳамда сотиш, халқаро пул ўтказмаларини амалга ошириш ва бошқа онлайн амалиётлар Мижоз томонидан масофадан туриб амалга оширилади.

Томонлар келишилган алоқа каналлари орқали мазкур Шартномада белгиланган тартибда Мижоз номидан юборилган Топшириқларни Банк томонидан олинишини, Ўзбекистон Республикасининг амалдаги қонунчилиги талабларига мувофиқ расмийлаштирилган айнан шундай мазмундаги ёзма шаклида Мижоз имзолаган қоғоз кўринишидаги ҳужжатни Банк томонидан олиниши каби тенг эканлигини тасдиқлайдилар.

Томонлар ушбу Шартнома бўйича улар томонидан ахборотни қайта ишлаш, ҳимоя қилиш ва узатиш учун ишлатиладиган тизимлар ишончли, самарали ва хавфсиз ишлаши ҳамда рухсатсиз киришдан ҳимоя қилиш, шунингдек, Электрон ҳужжатнинг ҳақиқийлигини тасдиқлаш учун етарли эканлигини тан олишади.

Мобил иловага кириш Мижознинг тегишли операцион тизимдаги (Android ва iOS) мобил қурилмасига Мобил иловани юклаб олиш, ҳамда ўрнатиш ва/ёки https://my.asakabank.uz манзили орқали таъминланади. Мобил иловани Apple Store ва Play Market иловалари дўконларидан юклаб олиш мумкин.

3. ОММАВИЙ ОФЕРТАНИ АКЦЕПТЛАШ ТАРТИБИ

Рўйхатдан ўтиш учун Мижоз қуйидаги кетма-кетликдаги ҳаракатларни бажариши лозим:

а)  Мобил иловани Apple Store ва Play Market иловалари дўконларидан юклаб олиш ҳамда мобил қурилмага ўрнатиш ва/ёки https://my.asakabank.uz манзили орқали;

б)   Тизимга/шахсий кабинетга кириш учун рўйхатга олишнинг тегишли катакчасига Мижозни идентификациялашда фойдаланиш учун мобил телефон рақамини киритиш;

в)  СМС хабар орқали олинган Назорат кодини киритиш;

г)  Шартнома шартлари билан танишиш орқали Шартнома шартларига розилигини тасдиқлаш;

• Хизматлардан ва Банкнинг мобил иловасидан фойдаланиш учун Тизим (шахсий кабинет)га Карталарни қўшиб қўйиш/бириктириш лозим, бунда бир неча карталарни қўшиб қўйиш мумкин, ва/ёки рақамли идентификациядан ўтиш зарур.
• Рақамли идентификациядан ўтиш учун Мижоз Ўзбекистон Республикаси фуқаросининг амалдаги биометрик паспортини ёки ID картасининг серияси, рақами ва туғилган кунини кўрсатиши керак.
• Мижоз томонидан Логин ва Паролни ўрнатилганлиги, Мижознинг Тизимда муваффақиятли рўйхатдан ўтганлигини билдиради.
• Ўзбекистон Республикаси Фуқаролик кодексининг 370-моддасига мувофиқ мазкур Оммавий оферта шартларини ҳеч қандай қўшимча шартларсиз қабул қилинганлиги (акцепт)нинг далолати бўлиб, Мижоз томонидан Назорат кодини киритганлик факти ҳисобланади.
• Акцептни амалга оширилганлиги Мижознинг қуйидагиларни тасдиқлаганлигини англатади:

• ушбу Шартнома шартларини, ушбу Шартномада белгиланган Хизматлар кўрсатиш тартиби ва шартларини, Банк Тарифларини, улар қандай шаклда баён этилган бўлса шундай шаклда ҳеч қандай шартларсиз, истиснолар ва чиқариб ташлашларсиз бутунлай ва тўлиғича танишган ва уларни қабул қилади ҳамда Банк Тарифларини ўрганиб чиққан ва розилигини билдиради ва уларни ўзи учун мажбурий эканлигини тан олади;
• ҳуқуқий/муомала лаёқатига эга ва Банк билан шартномавий муносабатларга киришиш учун ўзининг қонуний ҳуқуқларга эгалигини тасдиқлайди;
• ушбу Шартнома шартларига/талабларига рози ва уларга, дастурий комплексдан фойдаланиш қоидаларига риоя қилиш мажбуриятини олади, уларнинг мазмуни ва Мижоз томонидан мазкур Шартномани акцептлаш билан боғлиқ юридик оқибатлари тўлиқ тушунарлидир;
• Рўйхатдан ўтиш пайтида ҳаққоний, тўғри ва тўлиқ маълумотларни кўрсатган;
• Мобил иловадан фойдаланишда хавфсизлик бўйича тавсиялар,томонларнинг ҳуқуқ ва мажбуриятлари, уларнинг жавобгарлиги билан тўлиқ танишган;
• Банк томонидан хизмат кўрсатиш мақсадида ўзининг мобил телефон рақамини Уяли алоқа операторига берилиши ва ишлов берилишига ўз розилигини берган;
• Низо ва келишмовчиликлар юзага келган тақдирда, Банкка мазкур Шартнома қоидаларига асосланиш ҳуқуқини берган;
• Банк мазкур Шартномани суд, бошқа давлат органлари ва ташкилотларида далил сифатида фойдаланиш ҳуқуқига эга эканлигига розилик билдирган.
• Мижоз мазкур шартномани акцептлаганидан ва рақамли идентификациядан ўтганидан сўнг мижозга электрон тарзда 22616 (Масофадан туриб хизмат кўрсатиш тизими орқали бошқариладиган маблағлар) ҳисобварағи очилиши, унинг ушбу ҳисобварағни очилишига розилигини ва тасдиғини ифодалайди.
• Акцептланган ушбу Шартнома қоғоздаги (ёзма шаклдаги) шартномага тенглаштирилган бўлиб, ёзма шаклдаги шартнома билан бир хил юридик кучга эга. Ушбу Шартнома доирасида мобил иловадан фойдаланилганда шакллантириладиган ҳужжатлар тўлиқ юридик кучга эга бўлиб, уларга муҳр қўйиш ва/ёки ўз қўли билан имзолаш талаб қилинмайди.

4.ТОМОНЛАРНИНГ ҲУҚУҚ ВА МАЖБУРИЯТЛАРИ

5. ТОМОНЛАРНИНГ ҲУҚУҚ ВА МАЖБУРИЯТЛАРИ

• Банк қуйидаги мажбуриятларга эга:
• Мазкур шартнома, Қоидалар ва Ўзбекистон Республикасининг амалдаги қонун ҳужжатлари билан белгиланган ҳажм ва муддатларда тегишли тарзда хизматлар кўрсатиш;
• Ўзбекистон Республикасининг амалдаги қонун ҳужжатларига ва Мазкур шартномага мувофиқ расмийлаштирилган Топшириқларни ижро учун қабул қилиш;
• Тизимларда Шартнома матнини жойлаштириш;
• Мижоз операциялари бўйича ва Мижоз тўғрисидаги банк сирини ташкил қилувчи маълумотларни сақлаш. Мижознинг тизимдан фойдаланиши билан боғлиқ операциялар ва Мижоз тўғрисидаги маълумотлар Банк томонидан Ўзбекистон Республикаси қонунчилигида белгиланган ҳолларда учинчи шахсларга тақдим этилиши мумкин;
• Учинчи шахслар томонидан мижознинг ҳисобварақлари ва тизимларда амалга оширилган операциялари ҳақидаги маълумотларга рухсатсиз киришининг олдини олиш бўйича чоралар кўриш, жумладан мижозга бу ҳақда хавфсизлик смс-хабарларни юбориш.
• Шахсий маълумотларнинг яхлитлиги ва хавфсизлигини таъминлаш, шахсий маълумотларнинг махфийлигини таъминлаш ва шахсий маълумотларга ноқонуний ишлов берилишини олдини олиш.
• Банк томонидан банк картаси бўйича акцептсиз амалиётлар (мижоз олдиндан рухсат берган тўловлар) амалга оширилганда ушбу амалиётлар бўйича маълумотлар Мижознинг телефон рақамига смс-хабарнома кўринишида ёки Мижоз билан келишилган бошқа алоқа каналлари орқали (e-mail, қўнғироқ, пуш-хабарнома ва ҳ.к.) юбориш.
• Мобил иловага янги функциялар ва хизматлар қўшилиши сабабли уни қайтадан юклаб олиш зарурияти юзага келиши ушбу тизимдан фойдалана олмаслик ва/ёки фойдаланишда чекловлар келиб чиқишига сабаб бўлса, бу ҳақда мижозни хабардор қилиш.
• Мижоз қуйидаги мажбуриятларга эга:
• Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштириш билан боғлиқ, ёки Банк учун обрўъга путур етказиш ва/ёки молиявий хатарларга сабаб бўлувчи операцияларни амалга оширмаслик;
• Мазкур шартнома доирасида тадбиркорлик фаолиятини олиб бориш билан боғлиқ операцияларни амалга оширмаслик;
• Мазкур шартномага қўшилгунга қадар Шартнома шартлари ва Банк тарифлари билан ўз вақтида ва тўлиқ ҳажмда танишиб чиқиш;
• Тизимдан фойдаланилаётганда мазкур шартнома шартларига амал қилиш;
• Хизматлардан фойдаланилгунга қадар шундай хизматларни кўрсатиш учун Банкнинг чекловлари билан танишиб чиқиш;
• Хизмат кўрсатилганлиги учун Банк тарифларида белгиланган комиссион ҳақни (агар назарда тутилган бўлса) тўлаш;
• Мобил илова ишлатилаётган қурилманинг ахборот хавфсизлигини мустақил равишда таъминлаш;
• Логин ва паролни ошкор қилмаслик, шунингдек Банк томонидан ахборот тақдим этиладиган назорат коди ва алоқа воситаларидан учинчи шахслар фойдаланишига йўл қўймаслик;
• Хизмат кўрсатилиши учун топшириқни расмийлаштиришда Банк томонидан сўралган ишончли ахборотни тақдим этиш;
• Банк талабига кўра Ўзбекистон Республикасининг амалдаги қонун ҳужжатлари ва мазкур шартномада назарда тутилган вазифаларни амалга ошириш учун зарур бўлган ҳужжатлар ва маълумотларни тақдим этиш;
• Банк офисларида, Банкнинг корпоратив веб-сайтида, Банкнинг ижтимоий тармоқлардаги ёки тизимлардаги расмий саҳифаларида Тизимлардаги ва Масофавий банк хизматларидаги ўзгаришлар ҳақида маълумотлар мавжудлигини мунтазам равишда текшириб бориш;
• Ушбу шартномага риоя қилмаслик натижасида мижоз томонидан етказилган зарарларни қоплаш, шунингдек Мижознинг топшириғини бажарганлик учун Банк тарифларига мувофиқ комиссион ҳақ миқдорини ундириш учун Мижознинг ҳисобварақларидан пул маблағларини ечиб олиш учун Банкка ҳуқуқ беради;
• Мобил илова экранида чиқарилган ахборотни диққат билан ўрганиш, таклиф қилинган вариантлар орасидан ўз ниятига мувофиқ келадиган ҳаракатни танлаш ва киритилаётган ахборотни  тўғрилигини диққат билан текшириш.
• Мижоз қурилмасидаги алоқа каналларига киришга розилик билдириш учун келган ҳар қандай СМС кодларни/ОТП-паролларни учинчи шахларга берманг ёки ошкор қилманг.

• Банк қуйидаги ҳуқуқларга эга:
• Мазкур шартнома, Қоидалар ва/ёки Ўзбекистон Республикасининг амалдаги қонун ҳужжатлари билан белгиланган асослар бўйича, шунингдек Мижоз томонидан Хизматлар кўрсатиш учун зарур бўлган ишончсиз ахборотлар тақдим этилганлиги ҳолати аниқланган тақдирда, Мижозга Хизмат кўрсатишни рад этиш;
• Банк Мижоз томонидан тан олинадиган Мижознинг шахсий ва/ёки алоқа маълумотларига тааллуқли ҳар қандай ахборотни автоматлаштириш воситаларидан фойдаланган ёки фойдаланмаган ҳолда қайта ишлаш, йиғиш, тизимлаштириш, жамлаш, сақлаш, аниқлаштириш, улардан фойдаланиш, тарқатиш (хусусан Банк ҳамкорларига тақдим этиш), ўз хусусиятини ўзгартириш, блоклаш, Шартномани тузиш ва ижро қилиш туфайли Банкка тақдим этилган шахсий маълумотларни йўқ қилиш ва Ўзбекистон Республикасининг амалдаги қонун ҳужжатларида назарда тутилган бошқа ҳаракатларни амалга ошириш ҳуқуқига эга;
• Техник сабаблар ёки тизимдан фойдаланишга тўсқинлик қилувчи бошқа ҳолатлар бўйича тизимдан фойдаланишни номаълум муддатга бир томонлама тўхтатиб қўйиш. Шу билан бирга, Банкнинг корпоратив веб-сайтида, Банкнинг ижтимоий тармоқлардаги ёки тизимлардаги расмий саҳифаларида юзага келган носозлик ва уларни бартараф этишнинг кўзда тутилган муддатлари тўғрисида маълумотларни жойлаштириш орқали Мижозларни хабардор қилиш;
• Мижознинг Ҳисобварақларига ноқонуний киришга уриниш мумкин ёки юз берган деб ҳисоблаш учун етарли асослар мавжуд бўлган тақдирда, Банк Мижозни олдиндан огоҳлантирмай Масофавий банк хизматларини кўрсатишни вақтинчалик тўхтатиш ҳуқуқига эга;
• Банк қуйидаги ҳолларда Мижозга Хизмат кўрсатишни бир томонлама рад этишга ҳақлидир:

• агар операция параметрлари Ҳисобварақ орқали амалга ошириладиган операциялар суммаси ва миқдори бўйича Банк томонидан ва/ёки қонунчиликда белгиланган чекловларга мувофиқ бўлмаса;
• агар Мижоз амалга ошираётган операцияларда гумонли, шубҳали, ноқонуний операция белгилари аниқланганда ёҳуд бундай операциялар Банк учун обрў-эътиборни йўқотиш ва/ёки молиявий хатарларга сабаб бўлса;
• операциялар жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича қонунчилик ҳужжатлари талабларини бузган ҳолда амалга оширилаётганлиги тўғрисида Банкда шубҳа туғилганда.
• Банк мазкур Шартнома, Қоидалар ва Банк Тарифларига бир томонлама тартибда ўзгартиришлар/қўшимчалар киритиш ҳуқуқига эга. Бунда Банк бу тўғрисида Мижозни янги Шартнома/Қоидалар/Тарифларга ўзгартириш/қўшимчалар кучга киришидан 5 (беш) календар кун олдин тегишли ахборотни Банк офисларида, Банкнинг корпоратив веб-сайтида, Банкнинг ижтимоий тармоқлардаги расмий саҳифаларида ёки Тизимларда жойлаштириш йўли билан хабардор қилади. Масофавий банк хизматларини кўрсатиш шартларига киритилган қўшимча ва/ёки ўзгартиришларга Мижоз рози бўлмаган тақдирда, Мижоз Хизматлардан кейинчалик фойдаланишни рад қилиш ҳуқуқини ўзида сақлаб қолади. Мазкур Шартнома, Қоидалар ва/ёки Банк Тарифларига киритилган ўзгартириш/қўшимчалар кучга киргандан кейин ҳам Хизматлардан фойдаланиш орқали Мижоз ушбу ўзгартириш/қўшимчаларга            рози эканлигини тасдиқлайди.
• Халқаро тўлов тизимининг эмиссия тартиби талабларига мувофиқ, норезидент жисмоний шахс тўлов картасидан фойдаланганда халқаро санкциялар билан боғлиқ қоидаларга риоя қилиши шарт ва ушбу талаблар бузилган тақдирда, Банк томонидан бир томонлама мижоз билан тузилган шартномани бекор қилиш ва картани блоклаш ҳамда Ўзбекистон Республикаси қонун ҳужжатлари билан норезидент-мижоз томонидан ҳисобварақларни очиш ва улардан фойдаланиш тартиби ёки халқаро тўлов тизимининг эмиссия тартиби ўзгарган тақдирда, Банк мазкур шартномага бир томонлама ўзгартириш ва қўшимчалар киритиш ҳуқуқига эга.
• Банк тарифларидаги комиссия миқдори камайтирилган (мижоз учун қулай шарт-шароитлар яратилиши) тақдирда, Банк бундай ўзгаришларни тарифларга ўзгартиришлар кучга киргандан кейинги кундан кечиктирмай Мижозни хабардор қилмаган ҳолда қўллаши мумкин;
• Мижознинг ҳисобварағига(ларига) янглишиш ҳолатида кирим қилинган пул маблағларини Мижознинг ҳисобварағидан рухсатисиз ечиб олиш;

• Мижоз қуйидаги ҳуқуқларга эга:
• Банк офисларида, банкнинг корпоратив веб-сайтида, банкнинг расмий ижтимоий тармоқларида ёки тизимларда Шартноманинг амалдаги таҳрири билан танишиб чиқиш;
• Тизимга ўз хоҳишига кўра исталган вақтда кириш ва ушбу шартнома талабларига мувофиқ банк операцияларини ҳафтада 7 (етти) кун ва 24 (йигирма тўрт) соат давомида амалга ошириш;
• Тизимда Банк ҳисобварақларини мониторинг қилиш, ҳамда Мижоз томонидан операцияларни амалга оширганлигини ҳужжатли тасдиғи сифатида ҳисобварақ кўчирмаларини юклаб олиш имкони тақдим этилишини Банкдан талаб қилиш;
• Мобил илова орқали амалга оширилган ўтказмалар ва/ёки тўловлар бўйича тасдиқловчи ҳужжатларни (чеклар ва квитанцияларни) кўриш ҳамда юклаб олиш;
• Мижоз томонидан амалга оширилган тўловлари ва ўтказмаларини “шаблон” сифатида сақлаб қолиш имконияти ва кейинчалик мазкур тўловлар ва ўтказмаларни амалга оширишда ундан фойдаланиб операцияларни бажариш;
• Мижозларнинг кредит бўйича жорий қарздорлиги, ҳамда Банкдан олинган мавжуд кредитлари тўғрисидаги маълумотларни аниқлаш ва омонатлари (депозитлари) тўғрисида маълумотлар олиш;
• Банк томонидан тақдим этилаётган қўшимча хизматлардан фойдаланиш;
• Масофавий банк хизмати юзасидан саволлар бўйича Банкнинг Алоқа маркази ёки исталган Банк филиалида маслаҳатлар олиш;
• Шартномада белгиланган тартиб ва шартларга мувофиқ, бироқ амалиёт бажарилган кундан бошлаб бир кундан кечиктирмаган ҳолда, агар қонунчиликда бошқача тартиб назарда тутилмаган бўлса, амалиёт бажарилганлиги тўғрисида хабарнома олиш;
• Мижознинг талабига кўра рақамли хизматлар кўрсатиш билан боғлиқ ҳужжатни (шу жумладан ҳужжатнинг электрон шаклини) олиш;
• Мижозлар учун рақамли хизматлар кўрсатганлигини тасдиқловчи шартнома ва/ёки бошқа ҳужжатнинг нусхасини олиш;
• Хизматга кириш ҳуқуқини ёпган ҳолда мазкур шартномани бир томонлама бекор қилиш.

6. ТОМОНЛАРНИНГ ЖАВОБГАРЛИГИ ВА НИЗОЛАРНИ ҲАЛ ЭТИШ ТАРТИБИ

• Томонлар ушбу Шартномада назарда тутилган мажбуриятларни бажармаганлик ёки лозим даражада бажармаганлик учун Ўзбекистон Республикасининг амалдаги қонунчилигига мувофиқ жавобгар бўладилар.
• Томонлар Тизимлар билан ишлаш жараёнида олинган ахборотларнинг сир тутилиши ва сақланишини таъминлаш бўйича жавобгарликни ўз зиммасига олади.
• Мижоз мобил илова орқали амалга оширган банк операцияларининг қонунийлиги ва мақсадга мувофиқлиги учун жавобгар ҳисобланади.
• Банк маблағларни киритиш ва уларни Ҳисобварақлардан чиқаришнинг тўғрилиги учун жавобгарликни ўз зиммасига олади.
• Мижоз Тизимда ўз номидан фойдаланиб (Логин, пароль СМС-код ва бошқалардан фойдаланиб) амалга оширган барча операциялар учун мустақил тарзда жавобгар бўлади.
• Мижоз ўзининг шахсий маълумотларини ҳимоясиз уланишлар ёки зарарли дастурлардан ва таҳдид остида бўлган иловалардан фойдаланадиган қурилмага киритишда уларнинг хавфсизлиги учун тўлиқ жавобгар ҳисобланади.
• Мижоз махфий маълумотларни сир сақлаш, учинчи шахсларнинг маълумотларидан рухсатсиз фойдаланиши ва маълумотларни рухсатсиз олишлардан ҳимоя қилиш, шунингдек Мижознинг мобил қурилмаси бут сақланишини таъминлаш учун тегишли чоралар кўришга мажбур бўлиб, унинг мобил телефонига учинчи шахслар кирган тақдирда бунга шахсан жавобгар бўлади.
• Банк бошқа банклар ва/ёки бошқа шахсларнинг айби билан маблағлар олувчининг банк картасига ёки олувчининг банк реквизитлари бўйича муддат ва талаблар бузилган ҳолда кирим қилинганлиги учун жавобгар бўлмайди.
• Банк Мижоз томонидан тўловларни ёки пул ўтказмасини олувчининг реквизитларини киритиш пайтида топшириқни расмийлаштиришда йўл қўйилган хатолар учун жавобгар бўлмайди. Бу ҳолларда хизматлар Банк томонидан мижозга лозим даражада ва шартномага мувофиқ тарзда кўрсатилган ҳисобланади ва Мижоз хизмат кўрсатиш натижасида ҳисоб рақамига пул маблағи келиб тушган жисмоний ёки юридик шахслар билан кейинги ўзаро ҳисоб-китобларни мустақил равишда (Банк иштирокисиз) ҳал этади.
• Агар Мижоз оферта шартларини бажармаса, у ҳолда Банк Оферта шартларини лозим даражада бажармаганлик учун жавобгар бўлмайди.
• Мижоз ушбу Оферта шартлари билан ўз вақтида танишмаганлиги ёки ўқимаганлиги сабабли, Мижозга етказилган зарар учун Банк жавобгар бўлмайди.

7. ШАХСИЙ МАЪЛУМОТЛАРГА ИШЛОВ БЕРИШ

• Ҳар қандай маълумотлар (шахсий ва / ёки мижознинг алоқа маълумотлар)га ишлов бериш автоматлаштириш воситалари ёрдамида ёки уларсиз амалга оширилади, шу жумладан мазкур шартноманинг имзоланиши муносабати билан Банкка тақдим этилган шахсий маълумотларни йиғиш, тизимлаштириш, тўплаш, сақлаш, тушунтириш, фойдаланиш, тарқатиш (жумладан Бакнинг ҳамкорларига ҳам), эгасизлантириш, чеклаб қўйиш, йўқ қилиш, Ўзбекистон Республикасининг амалдаги қонунчилигида назарда тутилган бошқа ҳаракатларни амалга ошириш киради.
• Мазкур Оммавий офертани акцептлаш орқали Мижоз қуйидагиларга розилик беради:

- Идентификация ва аутентификацияни таъминлаш учун шахсий маълумотларни қайта ишлашга розилик беради;

- Банк томонидан рўйхатга олиш пайтида ва банкка тақдим этилган бошқа ҳужжатларда кўрсатилган алоқа маълумотлардан Мижозни ушбу шартнома доирасида хизмат кўрсатиш билан боғлиқ ҳар қандай маълумотлар тўғрисида хабардор қилиш учун фойдаланилиши;

- Банк хизматларидан фойдаланиш билан боғлиқ реклама, тижорат ва бошқа маълумотларни (мобил телефон рақами, электрон почта манзили ва шахсий кабинет), шу жумладан банкнинг янги хизматлари ва банкнинг қўшма маҳсулотлари ва учинчи шахслар ҳақидаги маълумотларни хабарномалар юбориш орқали қабул қилиш;

- Ушбу бандда кўрсатилган маълумотларни шартномани бажариш, шунингдек шартномани бажариш билан бевосита ёки билвосита боғлиқ бўлган бошқа мақсадларда маблағларни олувчи пластик картани чиқарган Банк-эмитентга тақдим этиш;

- давлат солиқ хизмати органи ва бошқа органларнинг маълумотларга ишлов бериш Марказидаги шахсий маълумотлардан фойдаланиш (олиш).

- Банк Шартномани тасдиқлаш ва бажариш мақсадида Мижоз томонидан тақдим қилинган Мижознинг шахсий ва/ёки алоқа маълумотларига тааллуқли ҳар қандай ахборотларни автоматлаштириш воситаларидан фойдаланган ёки фойдаланмаган ҳолда қайта ишлаш, йиғиш, ўрганиш, тизимлаштириш, жамлаш, шу жумладан учинчи шахслардан жамлаш, сақлаш, аниқлаштириш, улардан фойдаланиш, тарқатиш (хусусан Банк ҳамкорларига тақдим этиш, шу жумладан трансчегаравий тарқатиш), ўз хусусиятини ўзгартириш, блоклаш, Шартномани тузиш ва ижро қилиш туфайли Банкка тақдим этилган шахсий маълумотларни йўқ қилиш ва Ўзбекистон Республикасининг амалдаги қонун ҳужжатларида назарда тутилган бошқа ҳаракатларни амалга ошириш.

• Кредит маҳсулотларини тақдим этиш учун Банк Мижозга ва/ёки кредитлаш объектига (зарурат бўлганда) тааллуқли бўлган барча зарур ахборотни (кредит ҳисоботи/кредит тарихи/ахборот ва бошқалар)ни кредит бюроси ва бошқа ташкилотлар (муассаса, банклар)дан олиш ва/ёки узатиш ҳуқуқига эга.
• Мижознинг шахсий маълумотлари Ўзбекистон Республикасининг “Шахсга доир маълумотлар тўғрисида” ги Қонунига мувофиқ қайта ишланади.
• Мижоз тақдим этган шахсий маълумотларга ишлов берилиши қуйидаги мақсадларда амалга оширилади:
• Мижозни рақамли идентификациялашда;
• Мижоз билан тузилган келишув/шартномалар, шунингдек Банк ҳамкорлари билан тузилган келишувлар доирасида олинган мажбуриятларни лозим даражада бажариш;
• Банк билан тузилган келишув/шартномалар доирасида олинган мажбуриятларни Мижоз томонидан лозим даражада бажарилиши;
• Мижоз билан алоқага чиқиш, шунингдек Мобил иловадан фойдаланиш билан боғлиқ хабарнома, сўровнома ва маълумотлар йўлланиши;
• Банк томонидан хизмат кўрсатилиши, шунингдек Мижоздан олинган сўровнома ва буюртмаларга ишлов бериш, жумладан бундай сўровнома ва буюртмаларни Банкнинг контрагент/ҳамкорларига кейинги ижро учун тақдим этилиши;
• Эгасизлантирилган маълумотларга асосан статистик ва бошқа тадқиқотлар ўтказиш;
• Банк томонидан Ҳамкор/контрагентлар билан биргаликда ўтказилаётган акцияларда иштирок этиш таклифларини тарқатиш ва акцияда кўзда тутилган совға/мукофотларни олиш;
• Реклама-ахборот материалларини телефон, факсимиля, электрон почта ва бошқа тўғридан-тўғри алоқалардан фойдаланиш орқали тарқатиш;
• Мобил иловадан фойдаланган ҳолда ноқонуний ҳаракатларни амалга оширилишини олдини олиш/бартараф қилиш;
• Ўзбекистон Республикаси қонунчилигига зид бўлмаган бошқа мақсадлар.

8. ФОРС-МАЖОР

• Томонлар шартномавий мажбуриятларни тўлиқ ёки қисман бажармаганлиги учун, агар бу ҳолат енгиб бўлмас куч, масалан, ёнғин, сув тошқини, зилзила, уруш ва бошқалар таъсирида вужудга келган, тегишли шартномаларда иштирок этувчи томонлар унга таъсир кўрсатиш имконига эга бўлмаган ва уларнинг вужудга келиши учун жавобгар бўлмаган бўлса жавобгарликдан озод қилинадилар.
• Тегишли ваколатли орган томонидан берилган ҳужжат енгиб бўлмас кучнинг мавжудлиги ва давом этаётганлигининг етарли тасдиғи ҳисобланади.
• Енгиб бўлмас куч таъсирида ўз шартномавий мажбуриятларини бажармаган тараф бошқа Томонни тўсқинликлар ва уларнинг ушбу мажбуриятларни бажарилишига таъсири тўғрисида 10 календар кун ичида ёзма равишда (Банкнинг ҳолатида - тегишли ахборотни Банк офисларида, Банкнинг корпоратив веб-сайтида, Банкнинг ижтимоий тармоқлардаги расмий саҳифаларида ёки Тизимларда жойлаштириш йўли билан) хабардор қилиши лозим.

9. КОНФИДЕНЦИАЛ МАЪЛУМОТЛАРНИ СИР САҚЛАШ ВА ХАВФСИЗЛИК БЎЙИЧА ТАВСИЯЛАР

• Банк Мижоз ҳақидаги маълумотларнинг махфийлигини таъминлаши зарур. Банк мижознинг шахсий маълумотлари ҳеч бир асосларсиз ошкор этилмаслиги ёки тарқатилмаслигини кафолатлайди.

      Банк қуйидаги ҳолларда мижоз ҳақида маълумотларни ошкор қилиши мумкин:

• Бундай ахборот оммавий ҳисобланса;
• Мижознинг илтимосига ёки мижознинг рухсати билан ошкор қилинса;
• Банк ушбу шартнома шартларини бажариш учун зарур бўлган миқдорда Банкнинг ҳамкорларига тақдим этиш зарурати бўлса;
• Қонун ҳужжатларида назарда тутилган асослар бўйича ошкор қилиш талаб этилса;
• Мазкур шартнома ва Банк билан Мижоз ўртасидаги бошқа шартномаларда назарда тутилган бошқа ҳолларда.
  • Шартномада назарда тутилган шартларни диққат билан ўрганиб чиқиш;
  • Логин ва Паролни сақланиши ва сир тутилишини таъминлаш. Банк Тизимларга кириш Паролини доимий равишда ўзгартириб туришни тавсия этади;
  • Қуйидагилардан Парол сифатида фойдаланиш тавсия этилмайди:
  • Тизимларда ишлаш учун тегишли алоқа воситаларига кирадиган зарур мобил қурилма ва/ёки ускунага эга бўлиш;
  • Тизимларда ишлаш учун бегона шахсларнинг мобил қурилмага ва/ёки ускунага киришини ўчириш. Умумий фойдаланиш жойларида Хизматлардан фойдаланмаслик;
  • Хизматлардан фойдаланишда ускуна экранига чиқарилган ахборотни диққат билан ўрганиш, таклиф этилган вариантлар орасидан ўз ниятига мувофиқ келадиган ҳаракатни танлаш ва киритилаётган ахборотни тўғрилигини кузатиб бориш;
  • Банк офисларида, Банкнинг корпоратив веб-сайтида, Банкнинг ижтимоий тармоқлардаги расмий саҳифаларида ёки Тизимларда Шартнома/Қоидалар/Тарифлар шартларига киритилган ўзгартиришлар тўғрисидаги ахборотни текшириш;
  • Тизимларда ишлаш тугатилганидан сўнг «Профиль»- «Созламалар» - «Чиқиш» меню бандидан фойдаланган ҳолда Тизим ойнасини ёпиш.
• Агар Мижоз тизимда 5 (беш) дақиқа давомида фаол бўлмаса, Банк хавфсизлик нуқтаи назаридан тизим сессиясини автоматик равишда тўхтатади. У ҳолда мижоз тизимга қайта кириши керак бўлади;
• Тизимдан фойдаланишда Мижоз қуйидаги тавсияларга амал қилиши зарур:
• ҳарф ва сонларнинг такрорий кетма- кетлиги;
• клавиатура жойлашувида ёки алифбода кетма-кет борувчи белгилар;
• исм ва фамилия;
• Мижознинг СТИР ва бошқа реквизитлари;
• Томонлар бошқа томондан олинган маълумотларни, шу жумладан конфиденциал маълумотларни тарқатиши тақиқланади ва уларнинг махфийлигини таъминлаш учун жавобгарликларни ўз зиммаларига оладилар;
• Томонлар бошқа томондан олинган маълумотларни, шу жумладан конфиденциал маълумотларни тўлиқлигичи ёки қисман ва ҳеч қандай бошқа усулда учинчи шахсларга бериш ёки ошкор қилмаслик мажбуриятини ўз зиммасига олади, шунингдек ошкор қилинишини олдини олиш учун барча зарурий ва етарли чораларни кўрадилар, агар учинчи шахсларга конфиденциал маълумотларни тақдим этиш талаби вужудга келса тегишли рухсатларни бошқа томондан олишга мажбурдир;
• Шартнома ва ушбу шартномага боғлиқ бошқа битимларга мувофиқ ҳар бир томон амалиётда қўллайдиган дастурий тизимлар орқали электрон форматда узатиладиган ҳамда олинадиган барча маълумотлар “Конфиденциал маълумотлар” ҳисобланади ва бошқа томонни бундай маълумотларнинг конфиденциаллиги тўғрисида хабардор қилиш талаб этилмайди;
• Мижоз банкнинг масофавий хизмат кўрсатувчи воситаларидан (мобил илова, банк клиент) фойдаланган ҳолда Ўзбекистон Республикасининг амалдаги қонунчилигида таъқиқлаб қўйилган амалларни бажариш (фирибгарлик, товламачилик, киберҳужум, бировни мулкидан рухсатсиз фойдаланиш, бировни мулкини ўғрилаш  ва бошқалар) ман этилади;
• Келишувга зид равишда маълумотлар, шунингдек махфий маълумотлар ноқонуний равишда тарқалишига йўл қўйилган тақдирда, айбдор томон бошқа томонга етказилган ҳужжатлаштирилган зарарларни қоплаш мажбуриятини ўз зиммасига олади.

10. КОРРУПЦИЯГА ҚАРШИ ШАРТЛАР

• Томонлар https://аsakabank.uz/ расмий сайтининг “Коррупцияга қарши курашиш” бўлимида келтирилган коррупцияга қарши курашиш сиёсати билан танишганлигини тасдиқлайди ва банк хизматларидан фойдаланиш жараёнида Коррупцияга қарши курашиш сиёсати талабларига риоя қилишини тасдиқлайди. Мазкур шартнома амал қилиш муддати давомида томонлар коррупцияга қўл урмаслиги, уни амалга оширмаслигини ҳамда банкнинг Коррупцияга қарши курашиш сиёсати талабларининг бажарилишини таъминлаш мажбуриятини олади.

11. ШАРТНОМАНИ ТУГАТИШ

• Мижоз исталган вақтда хизматдан фойдаланишни рад этган ҳолда Шартномани бекор қилишга ҳақли.
• Шартнома Фойдаланувчи профили ўчириб ташлангандан сўнг бекор қилинган ҳисобланади.

12. НИЗОЛАРНИ ҲАЛ ҚИЛИШ ТАРТИБИ

• Ушбу шартномадан ёки у билан боғлиқ ҳолда келиб чиқадиган барча низолар ва келишмовчиликлар Томонлар томонидан ўзаро келишувлар йўли билан ҳал қилинади.
• Низоларни ўзаро келишувлар йўли билан ҳал қилиш имкони бўлмаган тақдирда, барча низолар Ўзбекистон Республикасининг амалдаги қонунчилиги билан белгиланган тартибда жавобгар жойлашган жойда ваколатли судда кўриб чиқилади.

13. БОШҚА ШАРТЛАР

• Банк ва мижоз ўртасидаги ушбу Шартномада кўзда тутилмаган муносабатлар Ўзбекистон Республикасининг амалдаги қонунчилиги ва Банкнинг ички меъёрий ҳужжатлари билан тартибга солинади.
• Банк мобил илова учун янгиланишларни белгиланган тартибда ўрнатиши мумкин. Мижоз ушбу оммавий таклифнинг шартлари ва қоидалари мазкур янгиланишлар учун тадбиқ этилишига розилик беради.
• Мазкур Оммавий оферта/Шартнома Мижоз томонидан акцептланган вақтдан бошлаб кучга киради ва номуайян муддат давомида амал қилади.
• Банк мазкур Оммавий оферта/Шартномага Мижозни электрон шаклда хабардор қилиш орқали унга бир томонлама ўзгартириш киритишга ҳақли.

14. БАНКНИНГ МАНЗИЛИ ВА РЕКВИЗИТЛАРИ